Tơnơ̆ tŭ sền sơwì cribơyai, Mpồl Duh broă Làng bol càr Dăk Lăk neh dồ nùs ring bal 2 Jơnau lơh nền tàm pơrjum, geh: Jơnau lơh nền tàm pơrjum “Cih lơh nền giă ngan ngồn drơng broă kham kòp, sơm kòp bơh ală hìu sơnơm Dà lơgar tàm ù tiah càr Dăk Lăk dê” mờ Jơnau lơh nền tàm pơrjum “Cih khà tă ngui priă jền ai mpồl drơng broă lơh tă ngui broă dong kờl dong mpồl bơtiàn ai ală cau sền gàr dong kờl mpồl bơtiàn”.

Mò Huỳnh Thị Chiến Hoà, Củ tịc Mpồl Duh broă Làng bol càr Dăk Lăk đơs là: Jơh bal 2 Jơnau lơh nền tàm pơrjum geh ring bal mờ bơta dồ nùs bal uă, tơngŏ lơh ngan bơh càr dê tàm broă rcang sền gàr rài kis mờ pràn kơl dang să janlàng bol in. Mpồl Duh broă Làng bol càr sồr Anih Duh broă Làng bol càr ală Sở, mpồl, gah broă, ală tiah mhar lam lơh jat geh cồng nha, mùl màl ală Jơnau lơh nền tàm pơrjum ai lơh tàm dơ̆ pơrjum dê.