Pơrjum tơrgùm sền sơ wì cồng nha lơh jat kơnòl broă cíñ trị, broă lơh bơt bơtàu Đảng, mơkung sơñio loh bơta ờ niam, bơta gam geh, jơnau tờm gơbàn mờ jơnau bơsram mờng chài, pơgồp bal mờ gùng dà broă lơh, kơnòl broă nam 2026 bơh mpồl cau Mpồl Lơh kơnòl broă sùm mờ tơl nă kwang bàng tàm Mpồl Lơh kơnòl broă sùm Anih duh broă Đơng lam Đảng Quôk hội.

Củ tịc Quôk hội đơs sùm nùs nhơm geh kơnòl, song dơ pă, làng bol lơh tờm tàm cribơyai, uă jơnau đơs jơh nùs neh mblàng jrô cồng nha lơh geh kung bè broă kờñ pal bơsong nàng tơnguh uă cồng nha đơng lam, sồr lơh tàm tơngai tus. Củ tịc Quôk hội pà gĭt, ngai 24/12, Anih duh broă Lơh kơnòl broă sùm Quôk hội rơ̆p pơrjum dơ̆ 2 Dar pơrjum dơ̆ 52, dar pơrjum dŭt ndơl bơh nam 2025 dê, tơrgùm kờp sền, bơsong broă lơh gam wơl, gàr niam tŭ tơngai, cồng nha lơh geh jat jơnau sồr dê.