Ngai 08/12, Mpồl duh broă Đảng ƀộ càr Quảng Ngãi bơyai lơh Pơrjum dơ̆ 2, bơyai lơh sền swì broă lơh jăt kơnòl broă nam 2025, gĭt nền kơnòl broă tờm nam 2026 mờ cribơyai, lơh nền ală broă kwơmàng gơ wèt gơnăp gơnoar. Nam 2025, càr Quảng Ngãi sơrbăc mhar rơndăp tăp sèng mpồl lơh broă, rơndăp mpồl lơh broă mờ lam lơh broă lơh tơrlòng lài gơnoar ătbồ ƀòn lơgar 2 kâp, rơhời lòt mŭt lơh broă kơ̆ kơl jăp, lơh broă gơlòt sùm; bơyai lơh geh cồng nha pơrjum dờng đảng bộ ală kâp mờ Pơrjum dờng cau ala măt Đảng ƀộ càr dơ̆ I, tơngai lơh broă bơh nam 2025- 2030.

Nam 2025, kờp jơh phan bơna tàm càr dê kờp dŭ lơh geh rlau 92 rbô tơmàn đong, gơguh rlau 10%, lam bồ tiah đah Jum tàm gùl lơgar mờ Tây Nguyên; rơndăp ơm dơ̆ 6 tàm 34 càr, ƀòn dờng tàm jơh gùt lơgar. Càr neh lơh jăt niam broă lơh sền gàr niam rài kis mpồl bơtiàn, lơh sir jơh broă tơn jơh hìu ing, hìu ồm sèt ñhăt dà mìu; broă lơh tơrmù rƀah lơh geh cồng nha niam ngan; sền gàr dà lơgar, lơngăp lơngai geh gàr kơnhăp; lơngăp lơngai cíñ trị, rơndăp tăp sèng, niam lơngăp lơngai mpồl bơtiàn geh gàr niam.