Bơh broă lơh hơ 20 jơnau lùp tàm dơ̆ pơrlòng “Rơnggô tiang liang”, kơnòm bơsram Hìu bơsram kấp 1 mờ kấp 2  Lương Thế Vinh, sàh Ia Pnôn, càr Gia Lai neh wă loh rlau tai bè tiah nhàr lơgar Dà lơgar dê, Adat ling sền gàr tiah nhàr lơgar Việt Nam kung bè gơnoar bơh mpồl ling sền gàr tiah nhàr lơgar dê.

Bơh hơ̆, pơgồp bơnah tơnguh uă bơta gĭt wă adat boh lam, tề lam nùs nhơm kờñ gơboh dà lơgar mờ bơta gĭt wă kơnòl tàm broă sền gàr gơnoar tờm kơnoàl ù tiah bơh tàm tŭ gam nggui tàm cơghĕ hìu bơsram dê. Tàm tơngume broă lơh, Mpồl đơng lam Mpồl ling sền gàr tiah nhàr lơgar càr Gia Lai neh jàu pà làng bol ƀòn Triêl in dùl “broă lơh bơt bơtàu sòl àng tiah nhàr lơgar” kờp priă rlau 75 tơlak đong; pà 50 bơnah phan pà ai ală kơnòm bơsram geh rài kis kal ke in.