Tàm khà ală rơndăp broă lơh ngui kes priă ƀòn lơgar, 6 rơndăp broă lơh ờ hềt ai dùl đông priă lơi. Gơtùi kờp tus rơndăp broă lơh bơt bơtàu bơnàng jă ală jơnau yal tơngĭt sồ drơng broă atbồ, đơng lam lơngăp lơngai rơndăp tăp sèng geh jàu 944 tơlak đong; rơndăp broă lơh ngui IoT tàm bơt bơtàu, gùng lòt rê ngăc ngar geh jàu rlau 1 tơmàn 200 tơlak đong; rơndăp broă lơh lam lơh ală măi mok dong kờl mờ ală cơldŭ pơrjum ờ duh pal geh pơ àr kung ờ hềt geh ai priă sơl.

 Ồng Đỗ Hữu Huy – Chủ tịch Anih duh broă Làng bol càr Dăk Lăk sồr ală mpồl lơh broă mhar lơh sir sră nggal, sền gĭt loh kơnòl, tŭ tơngai mut lơh tơl rơndăp broă lơh; mơkung tàm ntrờn bơnah priă ờ ngui geh lài mờ ngai 15/9.