Tàm anih ơhò ơm Phú Câu, sơnah ƀòn Tuy Hoà, geh rơlao 80 nơm ơhò đàr ka ngừ bơnah uă rơ̆p lòt đàr ka tàm bồ nam 2026; uă ơhò ờ hềt gơtùi lòt tàm priă jờu gơguh kas. Jăt jơnau kờp, ơhò geh bơta pràn bơh 400 màh lực rơlao hờ đang pal geh bơh 5 tus 5,5 tấn jờu ai tàm 1 nhai lòt đàr ka, tàm tŭ priă ka tăc di pơgăp 100 rơbô đong tàm 1 kĭ, pal lơh ờ uă ngan 2 tấn nggùl hơ̆ sồng di pal mờ priă tă.

Ờ mìng ơhò lòt ngài tàm dà lềng, ơhò tàm tiah rềp dà lềng kung kong gơtìp mờ priă tăc gơguh rơlao 2 dơ̆ sơl, priă geh cau lơh ka gơmù uă. Bŭ lah neh ngui ală gùng dà broă lơh tềm pềr jờu bè crăp măi jòi sền ka, ngui đèng LED, cồng nha kung gam ờ uă. Cau lơh ka kơ̆p kờñ geh broă dong kờl tơl pràn nàng pơn jăt tai geh lòt lơh ka tàm dà lềng