Ngai 31/3, tàm Hìu lơh broă Cíñ phủ, Thủ tướng ồng Phạm Minh Chính jàu Jơnau lơh nền bơh Thủ tướng Cíñ phủ dê bè broă lơh Kwang bàng. Jat hơ̆, ồng Bùi Thế Duy, Kwang bàng rcang lài Mpồl Duh broă Đảng dà lơgar, Phó Củ tịc Viện Hàn lâm Jak chài Măi mok Việt Nam at gơnoar broă Kwang lam bồ Hìu bơsram Đại họk Dà lơgar Hà Nội.

Jàu jơnau lơh nền mờ pà bơkào ồng  Bùi Thế Duy in, Thủ tướng ồng Phạm Minh Chính đơs là: broă Đảng, Dà lơgar pin dờn jàu ồng Phạm Thế Duy in at gơnoar broă Kwang Lam bồ Hìu bơsram Đại họk Dà lơgar Hà Nội do là bơta chờ hờp dờng ngan, sồr pal geh kơnòl gơwèt mờ Hìu bơsram Đại họk Dà lơgar Hà Nội tàm tơngai pa. Đơs dờp at kơnòl broă, ồng Bùi Thế Duy hơ cèng jơh bơta pràn, nùs nhơm mờ mờng chài tềm pềr geh, lơh ngan uă ngan rlau jơh, lơh jat niam kơnòl, gàr kơ̆ nùs nhơm khin cha, lơh krơh niam tàm broă lơh, bal mờ mpồl bal đơng lam mờ jơh ală kwang bàng, cau pơgru tam klăc bal, tam gơl pa, lơh broă kràñ cê jơh nùs, geh cồng nha, lam Hìu bơsram Đại họk Dà lơgar Hà Nội bơtàu tơnguh di pal mờ bơta pin dờn mờ bơta kơ̆p gơn bơh Đảng, Dà lơgar, Cín phủ mờ Thủ tướng Cíñ phủ dê nàng tă pơgồp ngan ngồn tàm broă lơh bơt bơtàu mờ sền gàr Dà lơgar.