Tàm dơ̆ lơh broă, ồng Lê Minh Hưng, Thủ tướng Chính phủ ai gĭt loh, rơndăp tăp sèng lơh sa càr Lạng Sơn dê kơnờm tàm kă bro phan nhàr lơgar, drơng broă sa priă mpồng nhàr lơgar mờ ală gah geh priă jền gơguh tai ờ hềt uă; ờ tơl phan bơna lòt nhơl niam uă; lơh sa mờ măy mŏk gam kơnờm tàm jòi phan kwơ tàm ù, phan ngui bơ̆t bơtàu mờ ală gah priă jền gơguh tai êt.

Thủ tướng kung ai gĭt loh, sră nggal sră pơ àr gơnoar ătbồ càr Lạng Sơn dê lơyài geh lơh tam gơl wơl, gơwèt mpồl ală ƀòn lơgar geh rơndăp khà ơm lơyah ngan rlau jơh gùt lơgar dê mờ do là anih gơkòl dờng gơ wèt mờ broă gơhòi gơ jà bơcri priă. Tơngai tus, Thủ tướng sồr càr Lạng Sơn lơh loh làng ală mpồl kơnòl broă bè broă ai lơh pơnyơu gơguh tai 6 nhai lồi nam mờ lơh ngan, jơh nùs lơh ngan, jăt bơta mùl màl, lam lơh jăt kràñ cê jơh nùs nàng lơh geh jơnau kờñ gơguh tai 10% tàm nam do. Tàm hơ̆, gĭt nền loh broă lơh tơrlòng lài gơguh tai dipal mờ ală bơta ƀươn krơi is bơh càr nhàr lơgar dê.