Mờ uă ngan sră đùh ring bal, Mpồl duh broă Làng bol ƀòn dờng neh pồ ồng Nguyễn Văn Được pơn jat tai at gơnoar broă Củ tịc Anih duh broă Làng bol ƀòn dờng Hồ Chí Minh, tơngai lơh broă bơh nam 2026 tus nam 2031. Ồng Nguyễn Văn Được tŭ do là Kwang geh jơng Đảng Dà lơgar, Phó Ƀí thư Thàñ ủy ƀòn dờng, Củ tịc Anih duh broă Làng bol ƀòn dờng Hồ Chí Minh tơngai lơh broă bơh nam 2021 tus nam 2026.

Lài hơ̆, ồng Được neh geh tŭ at uă gơnoar broă đơng lam tàm Long An bè Phó Củ tịc Anih duh broă Làng bol càr, Phó Ƀí thư Duh broă sùm Tỉñ ủy, Ƀí thư Tỉñ ủy càr. Broă geh pồ wơl ai tơnggŏ bơta pin dờn bơh cau ala mat Mpồl duh broă Làng bol dê gơ wèt mờ pràn jak đơng lam, mờng chài ngan ngồn bơh ồng Nguyễn Văn Được dê tàm tŭ tơngai ƀòn dờng Hồ Chí Minh gam tơlik jơnau kờñ bơtàu tơnguh mhar mờ kơnhăp kơ̆ tàm tŭ tơngai pa.