Tàm dơ̆ tìp mat mờ cau tĕ khà, Mpồl ala mat Quốc hội càr Lâm Đồng neh yal mờ cau tĕ khà cồng nha Pơrjum ờ bè ờs dơ̆ 1 mờ kờp dŭ tơngume, broă lơh pơrjum dơ̆ 2, Quốc hội khoă XVI; yal cồng nha bơsong ală jơnau đơs bơh cau tĕ khà dê bơh ală dơ̆ tìp mat mờ cau tĕ khà lài bơh ală anih lơh broă geh gơnăp gơnoar dê.

Cribơyai mờ cau tĕ khà sơnah ƀòn Lâm Viên- Dà Làc, ồng Nguyễn Văn Quảng- Bí thư Đảng Dà lơgar, Đơng lam bồ Anih cah rña Làng bol dờng ngan rlau jơh dà lơgar hơ mơ jơh ală tơngume mờ cau tĕ khà dê đơs, jơnau sồr đơs. Mơkung đơs nền, ală jơnau đơs jơnau dan bơh cau tĕ khà dê rơ̆p geh tơrgùm wơl tơl làm nàng pơyoa tus kấp geh gơnăp gơnoar geh kơnòl in hơ wơl, bơsong mờ is ồn Quốc hội kung rơ̆p jat sền tơngume do.