Đơs dờp kơnòl broă, ồng Phạm Anh Tuấn đơs sùm bơta pơn đơl tam gơl pa pràn kơldang broă lơh đơng lam, lơh broă kràñ cê, jơh nùs, lơh gơlik bơta tam gơl loh làng nàng kờñ lơh jat jơnau sồr bơtàu tơnguh mhar mờ kơnhăp jŏ tàm tŭ tơngai pa. 

Mùl màl, Anih duh broă Làng bol càr Gia Lai git nền 10 mpồl kơnòl broă tờm lơh sùm ai tơngai lơh broă in. Broă tờm là jơnau kờñ gơguh lơh sa 2 khà, gơ jat bal mờ tam gơl rơndap tap sèng mờ tơnguh bơta pràn kong jai bơh rài lơh sa dê. Bal mờ hơ̆ là broă bơt bơtàu sơñio khà KPI nàng ai tơlik cồng nha khà broă tus tơl gah, tơl tiah, lơh pràn tam gơl wơl kơrnuat boh lam, lơh ƀuơn sră pơ àr gơnoar atbồ nàng kờñ tam gơl anih bơcri priă kă bro.