Pơrjum yal 85 nă Cau ala mat Mpồl duh broă Làng bol càr geh cau tĕ khà pồ, mơkung bơyai lơh pồ ală gơnoar broă đơng lam bồ. Cồng nha, ồng Rah Lan Chung, Phó Ƀí thư Lơh broă sùm Tỉñ ủy càr Gia Lai, geh pồ lơh wơl Củ tịc Mpồl duh broă Làng bol càr; ồng Trương Văn Đạt mờ mò Huỳnh Thúy Vân geh pồ lơh Phó Củ tịc Mpồl duh broă Làng bol càr.

Đơs tàm pơrjum, Ƀí thư Tỉñ ủy càr Gia Lai ồng Thái Đại Ngọc đơs sùm tơngai lơh broă bơh nam 2025-2030, Gia Lai ai jơnau kờñ gơguh GRDP bơh 10% tus 10,5% dùl nam, gơs tiah tàm tơrbŏ bal  kwơ màng đah Tây Nguyên mờ tiah đah Jum tàm gùl lơgar mờ ală tiah lơh sa tàm tiah do dê. Nàng lơh ngan ngồn jơnau kờñ do, Mpồl duh broă Làng bol càr Gia Lai pal pơn jat tai tam gơl pa, tơnguh uă cồng nha ală dơ̆ pơrjum; tơrgùm ai lơh jat broă lơh, broă dong kờl cèng bơta tam gơl pràn bè gơ hòi gơ jà bơcri priă, bơtàu tơnguh phan bơna bơt bơtàu, tam gơl sồ mờ jak chài - măi mok.