Tơnơ̆ tŭ iăt ală jơnau yal mờ ală jơnau đơs, ồng Tô Lâm, Tổng Bí thư, Chủ tịch lơgar đơs loh, bơh 15 nam lơh jăt bơ̆t bơtàu, lơh niam wơl Đảng, jơnau sồr gơ tơlik ờ mìng là sền gŏ, bơsong lơh tìs mờ dờng rlau là bơ̆t bơtàu pràn jak rơcăng kơryan is, tam gơl pa is, lơh niam wơl is, lơh sir is sùm. Tổng Bí thư, Chủ tịch lơgar đơs sùm, bơta pràn Đảng dê lài jơh là pràn jak đal gŏ is, lơh niam wơl is, ờ lời jơnau ờ wil tơl gơlik wơl tai.

Tổng Bí thư, Chủ tịch lơgar sồr, Jơnau lơh nền tàm pơrjum pa pal lơh gơlik geh gơ tam gơl ngan ngồn: mpồl đảng pal pràn rlau, ci ƀộ pal niam rlau, cau lam bồ tơl pràn jak bơ̆t bơtàu, lam bơtàu tơngguh mpồl, mpồl kwang bàng lơh broă gơlòt sùm, gơnăp gơnoar sok sền kơnhăp, ală broă dipal ngan làng bol dê geh bơsong di tŭ. Tài bè hơ̆, pal bơ̆t bơtàu dùl jơnau lơh nền tàm pơrjum di broă, gơtùi lơh jăt, lơh gơlik tam gơl pràn kơldăng, tơngguh uă pràn jak đơng lam ăt gơnoar Đảng dê, lơh geh jơnau sồr bơtàu tơngguh dà lơgar tàm tŭ tơngai pa.