Jơnau yal bơh Bộ Niam chài, Tàp pràn să jan mờ Lòt  nhơl pà gĭt, tŭ do, jơh gùt lơgar geh rlau 40 rơbô tiah tềl lời wơl mờ pơgăp mờr 70 rơbô phan lời wơl niam chài ờ di phan bơna geh kờp sền. Tàm hơ̆, geh 37 phan lời wơl geh UNESCO cih mat. Đơs tàm dơ̆ lơh broă, Tổng Bí thư, Chủ tịch lơgar sồr gah niam chài sền dờp nền nòn bơta pràn jak bơceh lơh, bơsong jơh ală bơta ờ hềt dipal, mơkung rcang lài lơh uă ală phan jòi tơrgùm dà lơgar dê bơh broă lơh jun rê tàm lơgar phan yau ờ hoan geh ngan bơh lơgar ndai mờ bơsong bơta ờ hềt tơl ơn prăp kah yau bơtàu tơnguh dà lơgar dê rlau 80 nam do.

Is ồn, Tổng Bí thư, Chủ tịch lơgar đơs sùm kơnòl bơh rơnàng tŭ do dê ờ mìng là sền gàr phan lời wơl bơh mò pàng lài do dê lơm mờ gam pal rcang lài bơceh lơh phan lời wơl ai rơnàng tơnơ̆ do in. Gah niam chài pal tam gơl bơh bồ tơngoh kơlôi sơnơng prap gàr jat broă lơh yau tus bơceh lơh kir sơnrai dà lơgar; bơt bơtàu ală broă jàu sền sơwì “bơta pràn phan lời wơl” bơh broă rơndăp ù tiah, bơcri priă mờ lơh “sră nggal kir sơnrai” ai ală broă lơh pơn rơ ngan nàng kờñ prap gàr wil tơl bơta kwơ kah yau jŏ jòng.