Tus bal tàm ală anih pờ tơlik sơn-io rùp geh ồng Tô Lâm, Tổng Bí thư, Chủ tịch lơgar, ồng Lê Minh Hưng, Thủ tướng Chính phủ, ồng Trần Thanh Mẫn, Chủ tịc Quốc hội bal mờ uă kwang bàng đơng lam, kwang bàng đơng lam Đảng, Dà lơgar lài do. Dơ̆ pờ tơlik sơn-io rùp geh bơyai lơh tàm 4 anih, tàm hơ̆ geh: Hìu kah kơlôi ală cau ling khin cha jăk chài sàh Thanh Thủy càr Tuyên Quang, Rùp kah kơlôi Bắc Sơn, Càr lơgar Hà Nội, Ƀlàng tơ̆p ƀồc Cau ling chơ̆t màng Dà lơgar Gùng 9 càr Quảng Trị mờ Suơn bal Lê Thị Riêng, ƀòn dờng Hồ Chí Minh.

Broă lơh do nàng lơh gŏ wơl tơngai lơh broă ưn ngài ală cau khin cha jăk chài neh phi să tài Dà lơgar, mờ jờng rơ ală mpồl lơh broă gam ngai kung bè mang lơh jăt kơnòl broă jòi rồ, tơrgùm mờ đal măt ƀồc ntìng ală cau chơ̆t màng. Tơngu me geh sùm tàm jơh tơngai pờ tơlik sơn-io rùp “Sơrmañ lam gùng” là broă lơh “Broă lơh dờng 500 ngai mang lơh pràn broă jòi rồ, tơrgùm mờ đal git măt ƀồc ntìng cau ling chơ̆t màng”. Broă lơh do geh lơh bè dùl hiòng dà hòr nùs nhơm ngoh rơngăc ngan sùm, tơrbŏ bal rài lài do mờ tŭ do mờ gùng đơs crih, ală phan lời kir mờ kwơ màng ngan là ală jơnau geh ngan, ală dơ̆ “tìp măt”, “tơrgùm” tơnơ̆ mờ git nđờ jơ̆t nam tềng jơnang jơnau đơs crih dê. “Ală cau ờ hềt tŭ lơi roh”, “Jơnau sồr bơh plai nùs – Broă lơh dờng 500 ngai mang” mờ “Jàu wơl măt ală bi” là 3 tăp tàm dơ̆ pờ tơlik sơn-io rùp “Sơrmañ àng lam gùng” geh bơyai lơh dơ̆ do dê.