Wă ồng Troy Rohrbaugh, đơng lam bal Kwang lam bồ dờng gùt plai ù Anih priă jền JPMorgan Chase, ồng Tô Lâm - Tổng Bí thư, Chủ tịch lơgar jờng rơ uă ngan ală tă pơgồp bơh anih priă jền dê tàm broă bơto pơlam, dong kờl Chính phủ mờ mpồl lơh sa kă bro Việt Nam hòi jà tơrgùm priă ală lơgar. Tổng Bí thư, Chủ tịch lơgar sồr JPMorgan Chase pơn jat tai dong kờl Việt Nam gĭt mờ cồng nha ală priă jền ală lơgar dê, tam pà bal mờng chài bè bơtàu tơnguh drà priă jền, atbồ dồs mờ prăp priă lơgar ndai.

Wă ồng Robert Thomson, Phó Chủ tịch kấp dờng Tập đoàn Visa, ồng Tô Lâm- Tổng Bí thư, Chủ tịch lơgar jờng rơ uă ngan rlau 30 nam Visa lòt bal mờ drà lơgar Việt Nam dê. Bàr gah cribơyai bè sơlơ tơnguh tai tơm priă sồ, tam gơl sồ, bơtàu tơnguh lơh sa sồ mờ dong kờl mpồl lơh sa kă bro dềt mờ dimơ. Ồng Tô Lâm- Tổng Bí thư, Chủ tịch lơgar kơ̆p kờñ ală Tập đoàn pơn jat tai lòt bal, pơgồp bơnah gơ hòi gơ jà priă bơcri geh cồng nha uă, sơlơ tơnguh tai tam gơl pa mờ tam gơl sồ tàm Việt Nam.