Tơngume bơh pơrjum dê tơrgùm tàm sền sơ wì broă lơh đơng lam, sồr lam lơh jat Jơnau sồr sồ 01 bơh Ƀộ Cíñ trị dê bè kơlôi sơnơng, bơsram, pơlam, mblàng yal mờ lam lơh jat Jơnau lơh nền tàm pơrjum dờng dơ̆ XIV bơh Đảng dê mờ Jơnau sồr sồ 46 bơh Ƀộ Cíñ trị dê bè đơng lam dơ̆ tĕ khà cau ala mat Quôk hội khoă XVI mờ tĕ khà cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031.

Tơnơ̆ tŭ iat jơnau yal bơh Mpồl Lơh kơnòl broă sùm Đảng ủy Ling mpồl 12 dê mờ uă cồng nha pơn rơ ngan, đơs sồr lơh tàm pơrjum, ồng Trần Cẩm Tú sồr: Lài ngan là pal pơn jat tai pơlam lơh jat nền nòn Jơnau sồr sồ 01 bơh Ƀộ Cíñ trị dê mờ kờp sền ală jơnau pal jat lơh broă, jơnau pal jat đơng lam, tàm hơ̆ geh jơnau pal jat đơng lam ală gah broă lơh kuơmàng. Dơ̆ 2, hơ̆ là khà tiah tĕ khà, cau tĕ khà bơh Ling mpồl dê lòt tĕ khà uă ngan tàm ù tiah dờng ơnàng. Sồr ală oh mi kờñ pal pơn jat tai pơlam lơh jat nền nòn Jơnau sồr sồ 46 bơh Ƀộ Cíñ trị dê, sền sơ wì kờp sền jơh ală broă rơcang tĕ khà gàr bơta nền nòn, wil tơl lơh di adat boh lam, di gơnoar, kơnòl bơh cau tĕ khà dê.