Ồng Trần Cẩm Tú đơs nền, kờp dŭ tàm ngai 14 nhai 1 tus rơ̆p bơyai lơh broă lơh tàp ing mờ ngai 15 nhai 1 tàp dơ̆ dŭt ndơl ală broă lơh lài mờ ngai sơn đờm mŭt Pơrjum dờng dơ̆ XIV, den tàng ală mpồl lơh broă pal pơgồp bal nền nòn, tơnguh uă nùs nhơm geh kơnòl nàng lơh gơs bơnah broă bơka hìu pơrjum, loa đơs, ồs đèng àng... tàm Hìu pơrjum jăt di mờ jơnau neh geh lơh lài mờ tơrgùm sồr tàm dơ̆ lòt sền, lơh niam di mờ jơnau geh ai.

Jăt kờp dŭ, Pơrjum dờng cau ala măt gùt lơgar dơ̆ XIV Đảng dê geh bơyai lơh tàm 7 ngai (bơh ngai 19 tus ngai 25 nhai 1 nam 2026). Bơh tŭ do tus ngai sơn đờm Pơrjum dờng dơ̆ XIV Đảng dê gam rơlao 10 ngai tai. Duh broă sùm Mpồl đơng lam Đảng Dà lơgar ồng Trần Cẩm Tú tơlik nùs nhơm pin dờn ală anih lơh broă gơrềng bal rơ̆p pơn jăt tai lơh ngan, pơgồp bal niam nàng lơh gơs ală bơnah broă gam tai mờ geh bơta niam uă ngan, nàng tus ngai 14 nhai 1 bơyai lơh tàp ing; ngai 15 nhai 1 rơ̆p bơyai lơh tàp ală broă lơh dŭt ndơl lài mờ ngai sơn đờm Pơrjum dờng.