Mho ngai 23/1, tàm dar tơn jơh, ồng Trần Thanh Mẫn – Kwang bàng Ƀộ Cíñ trị, Ƀí thư Anih duh broă Đơng lam Đảng Quôk hội, Củ tịc Quôk hội neh yal cồng nha Pơrjum dơ̆ sơnrờp Mpồl Duh broă Đảng Dà lơgar, tàm hơ̆ geh cồng nha yal tơnggĭt, jàu broă kwang bàng dờp lơh kơnòl broă gơnoar broă Duh broă sùm Mpồl Đơng lam Đảng Dà lơgar khoă XIV.

Mpồl Duh broă Đảng Dà lơgar khoă XIV ring bal jơh yal tơnggĭt, jàu broă ồng Trần Cẩm Tú, Kwang bàng Ƀộ Cíñ trị ăt wơl tai gơnoar broă Duh broă sùm Mpồl Đơng lam Đảng Dà lơgar.

Mho ngai 23/01, tàm dar tơn jơh, ồng Trần Thanh Mẫn, Kwang bàng Ƀộ Cíñ trị, Ƀí thư Anih duh broă Đơng lam Đảng Quôk hội, Củ tịc Quôk hội neh yal cồng nha Pơrjum dơ̆ sơnrờp Mpồl Duh broă Đảng Dà lơgar, tàm hơ̆ geh cồng nha yal tơnggĭt, jàu broă kwang bàng dờp lơh kơnòl broă gơnoar broă Duh broă sùm Mpồl Đơng lam Đảng Dà lơgar khoă XIV.

Mpồl Duh broă Đảng Dà lơgar khoă XIV neh ring bal jơh, 200/200 nă Kwang bàng Đảng ngan ngồn mờ rơcăng lài (ndrờm mờ 100%) yal tơngĭt ồng Trần Cẩm Tú, Kwang bàng Ƀộ Cíñ trị, Duh broă sùm Mpồl Đơng lam Đảng Dà lơgar khoă XIII, Ƀí thư Anih duh broă Đơng lam Đảng anih lơh broă Dà lơgar ăt wơl tai Duh broă sùm Mpồl Đơng lam Đảng Dà lơgar khoă XIV.

Jăt tàm cồng nha yal tơnggĭt bơh Mpồl Duh broă Đảng Dà lơgar dê, Ƀộ Cíñ trị neh jàu broă ồng Trần Cẩm Tú, Kwang bàng Ƀộ Cíñ trị ăt wơl tai gơnoar broă duh broă sùm Mpồl Đơng lam Đảng Dà lơgar.

Ồng Trần Cẩm Tú deh ngai 25/8/1961; ƀòn tờm: càr Hà Tĩnh. Ồng là Kwang bàng Ƀộ Cíñ trị: Khoă XIII, Khoă XIV; Ƀí thư Đảng Dà lơgar: Khoă XII (bơh 6/2018), XIII (bơh 4/2021), XIV; Kwang bàng Đảng Dà lơgar: Khoă X (rơcăng lài), XI, XII, XIII, XIV; Duh broă sùm Mpồl Đơng lam Đảng Dà lơgar khoă XIII (bơh 25/10/2024), XIV; Cau ala măt Quôk hội: Khoă XV.

Ồng Trần Cẩm Tú neh sơrlèt uă gơnoar broă lơh broă, bè: Phó Cau lam bồ Anih duh broă Sền swì Dà lơgar; Ƀí thư Tỉñ ủy càr Thái Bình; Phó Cau lam bồ Duh broă sùm Anih duh broă Sền swì Dà lơgar mờ Cau lam bồ Anih duh broă Sền swì Dà lơgar.