Mpồl lơh broă neh lòt sền tàm tiah đùh sră sồ 38, tổ zân phố 5 Tự An, sơnah ƀòn Buôn Ma Thuột, càr Dăk Lăk. Tơnơ̆ tŭ lòt sền bơta geh ngan, mpồl lơh broă neh lơh broă mờ Anih duh broă Tĕ khà càr Dăk Lăk bè bơta rcang ai dơ̆ tĕ khà tàm ù tiah càr dê.

Đơs tàm dơ̆ lơh broă, ồng Trần Sỹ Thanh cih dờp mờ jờng rơ uă ngan nùs nhơm rcang lài, kơnòl bơh càr Dăk Lăk dê tàm broă lơh đơng lam, sồr lơh lam lơh dơ̆ tĕ khà. Tài bơh ù tiah ơnàng, uă tiah sar lơgar ngài mờ uă làng bol jơi bơtiàn dồ ết nă cau, càr ờ gŏ di sền ờ sơ̆p mờ ờ rcang sền ngăc. Dăk Lăk kờñ pal pơn jat tai jat sền jơnau sồr bơh Dà lơgar mờ Mpồl duh broă Tĕ khà dà lơgar dê; sơlơ tơnguh tai gĭt loh ală bơta tàm ƀòn lơgar, gàr niam lơngăp lơngai, rơndăp tăp sèng tàm ală tiah đùh sră; rcang niam ngan phan bơna tàm ƀòn lơgar, ai mpồl lơh broă bơto pơlam lơh jat di mờ jơnau sồr.