Jờng rơ broă sơlơ tơnguh tai tàm pơgơl mpồl đah Quốc hội 2 lơgar dê, Chủ tịch Quốc hội sồr Mpồl Nghị sĩ Lơh bơyô bal Việt Nam - Hàn Quốc bơt bơtàu broă rơndăp lơh lơh broă geh ngan nàng lam lơh jat, gàr niam cồng nha ngan ngồn. Cribơyai bè bơta pràn ngui bồ tơngoh jak kòn bơnus lơh gơlik tàm lơh adat boh lam, ồng Trần Thanh Mẫn, Chủ tịch Quốc hội pà gĭt Việt Nam neh geh Adat Bồ tơngoh jak kòn bơnus lơh gơlik mờ Quốc hội gam lơh pràn tam gơl sồ, mơkung geh broă lơh ngui AI is tàm lơh broă bơh Quốc hội dê, geh lam lơh pơgăp dùl nam do mờ cèng wơl cồng nha loh làng.

Đơs sùm, Hàn Quốc tŭ do là lơgar bơcri priă lơgar ndai dờng ngan rlau jơh lơgar Việt Nam dê, ồng Moon Jin Seok, Chủ tịch Mpồl Nghị sĩ lơh bơyô bal Việt Nam - Hàn Quốc kơ̆p kờñ jơnau kờñ tơnguh priă lơh geh kă bro phan đah 2 gah gơguh tus 150 tơmàn dolar Mỹ tàm nam 2030 rơ̆p geh lơh jat ngan ngồn ƀuơn ƀoài; pà gĭt Hàn Quốc kung kơ̆p kờñ ală mpồl lơh sa kă bro lơgar Hàn Quốc tus bal ală rơndăp broă lơh bơt bơtàu phan bơna dờng tàm Việt Nam, bơh hơ̆ lơh geh tai ală tềl lời wơl lơh broă bal pa, ngan ngồn mờ geh lơh  dờng tàm tơngai bơtàu tơnguh pa bơh bơta gĭt gơ̆p 2 lơgar dê.