Đoàn viên ơruh pơnu tus bal kơt bồng bi, bơka mờ pơs wàs, gàr kloh niam tàm ală anih đùh sră tàm hìu mpồl bơtiàn, hìu pơrjum thôn, ƀòn mờ tổ zân phố. Tàm ală anih đùh sră, ơruh pơnu tus bal dong kờl sac rơwah, top ƀang kì mờ rơndap tap sèng sră pồ. 

Tàm uă gơl gùng, ală “gùng bồng bi dà lơgar” lơh gơlik nùs nhơm gơ klŏ gơ crà wèt tus ngai tĕ khà. Broă lơh mblàng yal bè tĕ khà geh lam lơh làm uă tàm ală ƀòn càr Dăk Lăk. Bơh tiah tờm tiah drà tus ală gơl gùng ƀòn lơgar, àu tơlir ơruh pơnu sùm geh mat tàm ală broă lơh mblàng yal ntrờn làm bă tiah. Tàm bàr pe ƀòn, làng bol sùm lòt lơh mìr rê jơla ngan, mpồl ơruh pơnu lam lơh mblàng yal ntrờn làm bă tiah tàm trồ mang nàng làng bol in ƀuơn git jơnau yal.