Tàm dơ̆ tàp dŭt ndơl, Phó Củ tịc Duh broă sùm Quốk hội ồng Đỗ Văn Chiến bal mờ ală cau ala măt neh sền jơh broă lơh mờ sền swì nền nòn ală tơngu me geh bơyai lơh tàm Dơ̆ tơnkah. Tơnơ̆ mờ tŭ iăt ală jơnau đơs pơgồp bal bè tơngu me broă lơh bơh ală cau ala măt dê, Phó Củ tịc Duh broă sùm Quốk hội ồng Đỗ Văn Chiến dờp ală anih lơh broă, mpồl lơh broă neh tơnguh nùs nhơm geh kơnòl, lơh ngan, lơh pràn, rơcang bơyai lơh broă rơcang drơng bơyai lơh Tơnkah niam bơnĕ ngan.

Phó Củ tịc Duh broă sùm Quốk hội kung ai geh jơnau bơsram broă lơh mờng chài tơn mờ sồr lơh tơn gơwèt mờ ală mpồl lơh broă dê bè broă bơyai lơh, wă năc, wă rò cau ala măt, broă geh ai tàm broă lơh Tơnkah, bơka hìu, gàr niam lơngăp lơngai. Jăt broă rơndăp lơh geh ai, Tơnkah 80 nam Ngai Bơyai lơh tĕ khà dờng bơh sơnrờp pồ Quốk hội lơgar Việt Nam rơ̆p geh bơyai lơh tàm ngai hìng (06/01/2026) tàm Hìu pơrjum dờng Diên Hồng, Hìu Quốk hội, Anih jơnau đơs Việt Nam rơ̆p pờ tơlik tơn dơ̆ Tơnkah kwơ màng do.