Đơs tàm broă lơh, Phó Củ tịc lơgar mò Võ Thị Ánh Xuân đơs loh, tàm ală nam do, tàm hơ̆ uă ngan là nam 2025, tềng đăp mờ broă đơng lam bơh Đảng, lơgar he neh lơh uă kơnòl kwơ màng bơh lài tus tŭ do, ai geh bơta tờm nàng ai dà lơgar mŭt tàm rài pa – rài pas gơs, gơboh gơbài.

Mờ, pal kong gơtìp mờ kòp gơtờp, rềs àr, mìu càl dờng, dà tih dà cò gơtìp sùm tàm uă tiah tàm gùt lơgar, neh lơh gơrềng tơn tus mờ rài kis bơh uă làng bol, tàm hơ̆ uă ngan là ală cau ờ pràn, tàm hơ̆ geh kơnòm dềt. Tàm bơta do, Đảng, Dà lơgar neh tơlik uă gùng dà broă lơh, nàng bal mờ mpồl bơtiàn ai geh bơta pràn dong kờl di tŭ Làng bol in, tàm hơ̆ uă ngan là gơwèt mờ kơnòm dềt, ờ lời cau lơi gơtìp kal ke ir tàm rài kis. Tàm broă lơh “Nam pa oh in” dơ̆ 19, Kes priă Dong kờl kơnòm dềt Việt Nam dờp rơlao 116 tơmàn đong bơh mờr 60 mpồl lơh broă, cau dùl nă să ai kơnòm dềt geh rài kis gơtìp kal ke tàm nam 2026 in.