Geh crơng gơs bơh nhai 7 nam 1951, hìu sơnơm tŭ do là hìu sơnơm kuơmàng is ồn gơ wèt Ƀộ Lơh sơnơm, at gơnoar broă tờm tàm broă sền gàr pràn kơldang să jan làng bol tiah dòr mờ tiah kơh bơnơm đah tô dà lơgar. Jờng rơ ală cồng nha pơn rơ ngan bơh hìu sơnơm dê bơh rlau 70 nam bơt bơtàu mờ bơtàu tơnguh, Phó Củ tịc Quôk hội sồr mpồl đơng lam, mpồl y ƀák sìh pơn jat tai đòm jat bơhiàn tam klac bal, tam gơl pa, bơceh lơh, lơh pràn kơlôi sơnơng mờ ngui ală bơta chài măi mok jrô ơnàng, bơta chài măi mok pa. Bal mờ hơ̆, hìu sơnơm kờñ pal tơnguh mhar broă tam gơl sồ tàm atbồ, kham sơm kòp, tơnguh bơta niam broă drơng ala lơh sơnơm, ai cau kòp lơh bơta tờm. Phó Củ tịc Quôk hội kung đơs sùm kơnòl broă bơto bơtê, tàm jàu bơta chài măi mok ai kâp hơ đơm in, pơgồp bơnah tơrmù ƀà bơta kơn jơ̆ ai hìu sơnơm kâp dà lơgar in, mờ kung rơhời bơt bơtàu hìu sơnơm gơ gơs anih tờm lơh sơnơm mờng chài, pa khà dùl tiah đah tô dà lơgar, gròi sền, sền gàr mờ tơnguh pràn kơldang să jan làng bol in.