Tàm pơrjum, ală cau tơlik mat tĕ khà neh yal tơngume lơh broă, tơrgùm tàm broă tus bal bơt bơtàu adat boh lam, sơlơ tơnguh tai bơta jat sền, ai tơlik broă lơh bơtàu tơnguh lơh sa – mpồl bơtiàn, tam gơl wơl sră pơ àr gơnoar atbồ, dong kờl mpồl lơh sa kă bro mờ tơnguh niam rài kis làng bol. Ală cau tơlik mat tĕ khà đơs nền, dilah geh pin dờn den rơp lam lơh wil tơl kơnòl bơh cau ala mat làng bol dê, gàr sùm bơta tàm yal jơnau mờ cau tĕ khà, đơs song bơta kơp kờñ dipal bơh làng bol dê tus Quôk hội. Phó Củ tịc Quôk hội ồng Nguyễn Khắc Định đơs sùm, dilah geh cau tĕ khà pin dờn pồ den rơp pơn jat tai tă pơgồp bồ tơngoh jak, mờng chài tàm broă lơh crơng gơs adat boh lam, jat sền mờ lơh nền ală broă kuơmàng dà lơgar dê, gàr niam gơnoar mờ bơta kuơ dipal bơh làng bol dê.