Tàm pơrjum, Phó Thủ tướng Duh broă sùm Cíñ phủ neh iăt, sền wơl mờ cri bơyai, hơ tơn bơh tơl jơnau lùp, jơnau dan cau tĕ khà dê gơrềng tus mờ ală broă lơh sa mpồl bơtiàn, rài kis làng bol tàm do.

Gơwèt mờ tơngu me bè khà cau pơgru, Phó Thủ tướng Duh broă sùm Cíñ phủ đơs nền do là gơnoar broă bơh càr dê, mơya pal lơh jăt kơrnoăt “geh kơnòm bơsram den pal geh cau pơgru”, gàr niam gơnoar bơsram sră mờ bơta niam broă bơto. Bè broă nhai kwang bàng, kông cứk kấp sàh, Phó Thủ tướng Duh broă sùm Cíñ phủ pà git ală gùng dà broă lơh gam pơn jăt tai geh bơtơl, lơh gơs; tàm tŭ ờ hềt geh ai ngui khà priă nhai pa, Dà lơgar kờp dŭ tàm nam 2026 rơ̆p pơn jăt tai tơnguh priă nhai. Phó Thủ tướng Duh broă sùm Cíñ phủ đơs nền càr Bắc Ninh là dùl tiah gơguh lơh sa kwơ màng gùt lơgar dê, geh broă lơh sa dờng, khà gơguh lơh sa uă, rài kis làng bol gơguh sùm.