Mang ngai 23/12, tàm Hìu lơh broă Cíñ phủ, Phó Thủ tướng ồng Trần Hồng Hà đơng lam pơrjum dơ̆ 27 bơh Mpồl sồr lơh dà lơgar bè kơryan kup, tras phan tàm dà lềng tìs adat boh lam, ờ gŏ yal, ờ jat jơnau sồr (IUU). 

Jơnau yal tàm dơ̆ pơrjum pà git, broă lơh atbồ ơhò lơh ka, jat sền broă lơh kup, tras phan tàm dà lềng pơn jat tai geh gàr sùm nền nòn, neh cih mờ pơnđàng mat ơhò lơh ka gơtìp jùt cih mat nàng jat sền, lơh glài mờr 11 rbô nă cau; tàm poh, ờ geh ơhò lơi lơh tìs tiah dà lềng lơgar ndai. Phó Thủ tướng sồr bơsong jơh ală kơnòl broă, pơn jat tai lơh sir jơnau yal pơyua Anih duh broă câu Âu jat nùs nhơm song dơpă, loh làng, đơs loh bơta lơh ngan bơh lơgar Việt Nam dê tàm lơh sir kơrnuat boh lam, tơnguh broă lơh glài, yal bơta geh ngan mờ bơsong ală broă geh gơ rềng.