Đơs tàm dơ̆ bơyai lơh, Kwang geh jơng tàm Ƀộ Cíñ trị, Duh broă sùm Mpồl đơng lam Đảng Dà lơgar ồng Trần Cẩm Tú cih dờp, đơs niam nùs nhơm, kơnòl bơh mpồl cau cih ƀău ală anih lơh broă yal tơnggit jơnau sră ƀău tàm lơgar mờ ală lơgar dê tàm broă lơh yal tơnggit jơnau, mblàng yal bè Pơrjum dờng dơ̆ XIV bơh Đảng dê. Mờ kung pà git, Pơrjum dờng dơ̆ XIV rơp geh lơh tàm Hà Nội bơh ngai 19 tus ngai 25/01/2026, mờ bơta tus bal bơh 1 rbô 586 nă cau ala mat dê, ala mat rlau 5 tơlak 600 rbô nă đảng viên Đảng Kộng sản Việt Nam, mờ jơnau đơs “Tam klac bal – Làng bol lơh tờm – Duh rơngòt adat boh lam – Tam gơl pràn – Bơtàu tơnguh”.

Dùl bơta tờm pơn rơ ngan tàm broă lơh rơcang Pơrjum dờng dơ̆ XIV là tam gơl pràn ngan tàm broă cih sră nggal pơrjum dờng. Dơ̆ sơn rờp, pe jơnau yal kuơmàng (geh Jơnau yal cíñ trị, Jơnau yal lơh sa – mpồl bơtiàn mờ Jơnau yal bơt bơtàu Đảng) geh tơrgùm gơ gơs dùl Jơnau yal Cíñ trị ring bal, ndrờm bal. Ờ mìng ơm wơl tàm broă git nền gùng dà, jơnau kờñ lơh geh, sră nggal pơrjum dờng dơ̆ XIV gam geh jat mờ tơngume lơh broă ngan ngồn, git loh ală jơnau lơh nền, tŭ tơngai lam lơh mờ kơnòl lam lơh. Bơta do ai gŏ bơta lơh ngan ai Jơnau lơh nền tàm pơrjum ngui tàm rài kis mơ tơn tơnơ̆ Pơrjum dờng, bơsong bơta lơyài tàm broă lam lơh jat. Broă ai jơnau đơs làng bol gơ wèt mờ jơnau rơcang cih sră nggal pơrjum mờ mờr 14 tơlak dơ̆ tă pơgồp jơnau đơs, là cơng tàng loh làng ngan ai bơta pơgồp bal đah gùng dà Đảng mờ nùs nhơm làng bol dê, mờ kung ai tơnggŏ bơta ring bal dồ nùs mpồl bơtiàn uă ngan gơ wèt mờ ală gùng dà, broă lơh dờng mờ Pơrjum dờng dơ̆ XIV ai tơlik. Bal mờ hơ̆, broă rơndap tap sèng, drơng broă, sền gàr lơngăp lơngai, niam ờdo ờdă mờ yal tơnggit jơnau mblàng yal geh lam lơh gờñ, wil tơl, ring niam, pơgồp bơnah gàr kơ̆ bơta pin dờn bơh kwang bàng, đảng viên mờ làng bol dê gơ wèt mờ Pơrjum dờng, lơh gơlik bơta ring bal uă tàm Đảng mờ bơta dồ nùs bal tàm mpồl bơtiàn.