Đơs pơndŭt pơrjum, Thủ tướng Cíñ phủ ồng Phạm Minh Chính đơs nền, tiah Ring dà dờng Cửu Long mờ tiah rềp bal mờ ù tiah geh gơnoar broă kwơ màng is ồn dờng màng bè cíñ trị, lơh sa- mpồl bơtiàn, sền gàr Dà lơgar, lơngăp lơngai, tiah ơm kis brê bơnơm, lơh broă mờ lơgar ndai; là “mpồng mut” tiah đah Jum bơh Dà lơgar dê mờ pơgồp bal mờ broă lơh bơt bơtàu, sền gàr gơnoar tờm kơnhoàl ù tiah bơh Dà lơgar.

Thủ tướng Cíñ phủ đơs sùm, ală mpồl, Ƀộ, gah broă, ală tiah pal tơrgùm lam lơh jat broă lơh jơi bơtiàn, gah pin dờn jăt Yàng; lơh jat ală broă lơh bơtàu tơnguh lơh sa, niam chài, mpồl bơtiàn, lơh geh broă lơh, bơsong bơta tam lah, ờ suk ơm; sơlơ tơnguh bơta niam, nùs nhơm lơh is, lơh pràn is bơh làng bol dê tàm bơtàu tơnguh lơh sa- mpồl bơtiàn mờ prap gàr, ngui niam ală bơta kwơ niam bơnĕ bơh niam chài, gah pin dờn jat Yàng ờs mờng bơh yau; bơtàu tơnguh uă rài kis phan bơna, nùs nhơm bơh làng bol ală jơi bơtiàn tàm ù tiah do dê, lơh geh bơnàng jă kơnhăp kơ̆ tàm broă lơh rcang gàr lài mpồl bơtiàn; sang tĕ, tơn jơh ală jơnau gơbàn, ală bơta mờ ală mpồl cau gơ jrañ kơwềng, pơrlơ̆ dră digơlan sơmờm. Tềng đăp mat, tàm nam 2026, Thủ tướng Cíñ phủ jàu ală Ƀộ, gah broă, ală tiah in lơh sir 7 mpồl broă dờng, tờm ngan bè sền gròi, bơtàu tơnguh lơh sa, niam chài, bơto bơtê, lơh sơnơm tiah ring dà dờng Cửu Long.