Pơrjum dờng geh tơngume “Hơđơm bồng bi dờng màng bơh Đảng dê, pơgồp bal bơta pràn, dồ nùs bal lam lơh tus geh ală jơnau kờñ bơtàu tơnguh dà lơgar tus bal 2030; brồ guh is, pin dờn cơnđuà pràn tàm rài brồ să jơi bơtiàn dê, tài ring lơngai, lơngăp lơngai is, làng bol lơh tờm, pas pràn, bơtàu tơnguh, gơguh jak, gơboh gơbài, kơnhăp kơ̆ cơn đuà lòt brồ guh củ nghĩa sàh hội, mờ bơta tus bal bơh 1 rbô 586 nă cau ala mat, ala mat ai rlau 5 tơlak 600 nă đảng viên tàm gùt lơgar in. 

Tàm pơrjum dờng, ală cau ala mat rơp cribơyai, ring bal uă sră nggal kuơmàng, geh Jơnau yal cíñ trị bơh Mpồl duh broă Đảng dà lơgar khoă XIII dê, ală jơnau yal tơn jơh bè jơnau cribơyai tàm sră, bơta geh ngan broă lơh tam gơl pa, broă lơh jat ngan ngồn ală jơnau pal jat bơh Đảng dê mờ sền tìs di bơta đơng lam, sồr lơh bơh Đảng dà lơgar khoă XIII dê. Pơrjum dờng dơ̆ 14 là tŭ tơngai kuơmàng bơ tòm tơrgùm bơta pin dờn, kơp kơnờm bơtàu tơnguh, đơs nền nùs nhơm, bồ tơngoh jak mờ bơta pơnđơl bơh jơh gùt Đảng, jơh gùt làng bol, jơh gùt ling klàng dê, lơh gơlik bơnàng jă nàng dà lơgar kơ̆ kơnhăp cơn đuà lòt tàm tŭ tơngai pa.