Sơn đờm dar cribơyai, Pơrjum dờng neh iat Đại tướng ồng Phan Văn Giang, Kwang geh jơng Ƀộ Cíñ trị, Ƀộ trưởng Ƀộ Ling klàng yal jơnau cribơyai mờ tơngume “Bơt bơtàu Ling klàng làng bol kac màng, di mờ jơnau sồr, ngac ngar, jak chài, pa ngan, lơh mpồl tờm bơt bơtàu rài sền gàr dà lơgar kơ̆ kơljap pràn kơldang, pa ngan, gơ jat bal mờ rài lơngăp lơngai làng bol mờ Mpồl rơcang gàr tàm làng bol kơ̆ kơnhăp”, mờ Đại tướng ồng Lương Tam Quang, Kwang geh jơng Ƀộ Cíñ trị, Ƀộ trưởng Ƀộ Kwang àng, cribơyai mờ tơngume “Broă lơh kwang àng lam lơh 3 jơnau kờñ kuơmàng bơh Đảng dê: ring lơngai, kơ̆ kơljap – bơtàu tơnguh bơta niam uă- gơboh gơbài làng bol dê”.

Pơn jat hơ̆, tàm jơnau cribơyai tàm hìu pơrjum, Phó Thủ tướng mò Phạm Thị Thanh Trà, Đảng ƀộ Cíñ phủ đơs sùm nùs nhơm Cíñ phủ bơt bơtàu, bơtàu tơnguh, dòn song mờ lơh broă jơh nùs drơng làng bol. Uă jơnau đơs đơs sùm broă pơn jat tai tam gơl pràn bơt bơtàu, lơh sir kơrnuat boh lam, hồ tă ai tơl bơta priă jền ai bơtàu tơnguh in; bơtàu tơnguh phan bơna kuơmàng ndrờm bal pa, bơt bơtàu ù tiah bơtàu tơnguh pa; lơh pràn tam pà kâp, jàu gơnoar gơ jat bal mờ tam pà priă jền mờ sơlơ tơnguh tai sền sơ wì, jat sền mờ jơnau đơs “Ƀòn lơgar lơh nền, ƀòn lơgar lơh, ƀòn lơgar kong kơnòl” dồ bă ngan ngồn mờ geh cồng nha ngan rlau jơh.