Đơs sơn đờm mut pơrjum, Củ tịc Quôk hội ồng Trần Thanh Mẫn pà git, Pơrjum nàng kờñ cribơyai, ring bal sồr lơh tơngume dơ̆ pơrjum dơ̆ 1 nàng ală anih lơh broă geh gơ rềng di tŭ sền sơ wì bơta geh ngan, tơngai hơ pơrgon rơcang ală tơngume nàng gàr dơ̆ pơrjum dơ̆  I – là pơrjum sơn rờp bơh tơngai lơh broă Quôk hội khoă XVI dê geh lơh niam, mờ bơta niam, cồng nha uă ngan rlau jơh.

Dơ̆ pơrjum dơ̆ 1 rơp sơn đờm mut lơh tàm ngai 06/4 tus, kờp dŭ tơn jơh tàm ngai 25/4 mờ tam pà gơs 2 dơ̆. Quôk hội rơp sền sơ wì: broă lơh rơndap broă mpồl cau lơh broă, kwang bàng; broă lơh bơt bơtàu adat boh lam; bàr pe tơngume bè jat sền, lơh sa – mpồl bơtiàn, kes priă dà lơgar. Đơs pơn dut pơrjum, Củ tịc Quôk hội ồng Trần Thanh Mẫn đơs là, dơ̆ pơrjum dơ̆ 1 là dơ̆ pơrjum sơn rờp bơh tơngai lơh broă Quôk hội khoă XVI dê, den tàng ală broă tơrgùm bal bè rơndap broă, mpồl kwang bàng mờ ală broă rơndap broă lơh 4 nam bơh tơngai lơh broă dê rơp geh sền sơ wì mờ lơh nền.