Đơs tàm pơrjum, Thủ tướng ồng Phạm Minh Chính đơs jơnau bơsram mờng chài tàm mut gơ rờm bal ală lơgar, jat hơ̆, pal gĭt loh ală bơta, jat nền bơta geh ngan, lơh pràn kơlôi sơnơng, mblàng, kờp dŭ lài broă lơh kwơ màng nàng bơt bơtàu bơta rcang lài kwơ màng tàm mut gơrờm bal ală lơgar. Pal pơgồp bal bơta pràn bơh jơi bơtiàn mờ bơta pràn bơh tŭ tơngai pa, Dà lơgar, làng bol mờ mpồl lơh sa kă bro. Pal jờng rơ uă bơta tam klăc bal ală lơgar mờ broă lơh uă lơgar tàm mut gơrờm bal ală lơgar, Thủ tướng đơs sùm tam klăc nàng lơh geh bơta pràn, lơh broă bal nàng geh bơta kwơ mờ tìp mat tơm bơh bơr nàng sơlơ tơnguh tai bơta pin dờn.

Bè kơnòl broă nam 2026, Thủ tướng đơs sùm do là nam sơnđờm tơngai mut gơrờm bal bơh Dà lơgar dê tàm rài pa, lơh jat gùng dà broă lơh lơh broă mờ lơgar ndai bơh Pơrjum dờng Đảng dơ̆ 14 mờ ai tơlik jơnau sồr gơwèt mờ broă lơh lơh broă bal ală lơgar.