Iăt kơno jơnau đơs bơh Mpồl Sền swì, jat sền dê, ồng Lê Minh Hưng- Thủ tướng Chính phủ đơs sùm tơnơ̆ dơ̆ lơh broă do, Mpồl Lơh kơnòl broă sùm Đảng ủy Chính phủ rơ̆p pơn jat tai kờp sền tơrgùm jơh ală jơnau đơs, bơt bơtàu broă lơh broă rơndăp lơh nền nòn, tàm hơ̆ bơtơl tơngume tờm broă lơh sền swì, jat sền bơh Anih duh broă Sền swì Đảng ủy Chính phủ dê; lơh loh làng mhar, ring bal jơh ală gùng dà broă lơh pa bơh Đảng dê tàm ală gah.

Thủ tướng sồr pơn jat tai kơlôi sơnơng lơh sir jơnau cih bè gơnăp gơnoar kơnòl broă, bơta gĭt gơ̆p lơh broă bơh Đảng ủy pa tơnggơs; pơn jat tai lơh sir broă lơh bè sền sơwì kwang bàng, di tŭ ntrờn ala mờ tàm pơdar kwang bàng, sền sơwì jat tàm cồng nha ndŭt ndơl lơh jat mờ gờñ lơh sir jơnau cih bè broă lơh, tiah lơh broă.