Tàm Pơrjum, Củ tịc Quốk hội ồng Trần Thanh Mẫn đơs niam, nam pa do bàr gah neh pơgồp bal tam gơl, lơh geh uă jơnau rơcang cih adăt boh lam kwơ màng; rơcang ai dơ̆ tĕ khà cau ala măt Quốk hội mờ cau ala măt Mpồl duh broă Làng bol ală kấp.

Củ tịc Quốk hội sồr tàm tơngai tus, bàr anih lơh broă pal pơn jăt tai tơnguh broă pơgồp bal tàm broă lơh adăt boh lam mờ jăt sền, tơnguh gơnoar bơh Mpồl duh broă pơlam, ală cau jăk, cau bơsram dờng tàm jơnau pơgồp bal ală gùng dà broă lơh; mờ pal tơnguh uă ngan bơta niam tìp mờ cau tĕ khà bơh cau ala măt Quốk hội bal mờ cau ala măt Mpồl duh broă làng bol ală kấp dê, gàr niam ală jơnau hơ tềng đăp mờ cau tĕ khà neh geh lơh mùl màl. Đơs tờm jơnau kờñ tàm nam 2026 pal tơnguh pràn nàng lơh geh gơguh lơh sa bàr sồ, jăt Củ tịc Quốk hội đơs, bàr gah pơgồp bal nàng ai geh ală gùng dà broă lơh, kơrnoăt boh lam đơng lam nàng lơh sa mpồl bơtiàn bơtàu tơnguh, sền gàr dà lơgar lơngăp lơngai, bơ̆t bơtàu mpồl cíñ trị kloh niam pràn kơl dang, tơnguh broă lơh bal mờ lơgar ndai, broă tam dră mờ sa koề sa koà, hoàc huơr.