Quảng Ngãi lam lơh broă lơh tĕ khà jat nền kơnòl broă, rcang lài niam ngan bơh gờñ
Thứ năm, 06:00, 11/12/2025
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Anih duh broă tĕ khà càr Quảng Ngãi bal Mpồl Duh broă sùm Anih duh broă Mặt trận Dà lơgar Việt Nam càr neh lam lơh ală broă lơh rcang lài tĕ khà Cau ala mat Quôk hội khoă 16 mờ Cau ala mat Mpồl duh broă Làng bol càr khoă 14, tơngai lơh broă bơh nam 2026-2031.
Anih duh broă Làng bol càr neh tơnggơs Anih duh broă tĕ khà Cau ala mat Quôk hội khoă 16 mờ cau ala mả Mpồl duh broă Làng bol khoă 14, tơngai lơh broă bơh nam 2026-2031 geh 37 nă kwang bàng. Anih duh broă tĕ khà neh bơyai lơh dar pơrjum dơ̆ 1 nàng lam lơh kơnòl broă, ring bal kơrnoat boh lam lơh broă, tàm jàu kơnòl broă ai tơl nă cau in mờ tă pơgồp jơnau đơs bè jơnau rcang cih Jơnau lơh nền tơnggơs Mpồl dong broă.
Ồng Hồ Văn Niên, Ƀí thư Tỉñ ủy càr Quảng Ngãi sồr ală cau kwang bàng tàm Anih duh broă tĕ khà jat nền ù tiah geh jàu, rcang lài gĭt ală bơta, di tŭ bơto pơlam mờ dong kờl ală tiah tă bơsong kal ke, gàr niam ală broă lơh rcang lài geh bơyai lơh di ngan, di mờ adat boh lam.
Viết bình luận