Ală jơnau cih đơs sền tàm Pơrjum cribơyai đơs là, càr Quảng Ngãi gam geh uă bơnàng jă nàng gơgơs ală pràn gơn kơnờm gơguh tai pa, bơh lơh sa mờ măy mŏk, lơh sa dà lềng, anih ơhò dà lềng ơm, logistics tus lòt nhơl mờ tam gơl pa bơceh lơh. Tàm hơ̆, Tiah lơh sa Dung Quất pơn jăt tai là tiah tờm lơh sa mờ măy mŏk kwơmàng, gơ jăt bal mờ gah jồr – lơh gơlik zờu, nhơm – đèng mờ pơlam gùng bơtàu tơngguh Tiah tờm Jồr lơh gơlik zờu mờ Ồs đèng dà lơgar. Ù tiah bơtàu tơngguh pa bơh Quảng Ngãi dê kung pờ gơlik lơh bal bơh tiah bơnơm, dơng bơnơm tus tiah ring, dà lềng mờ bồt bơlào; tàm hơ̆ gùng kềng đah măt tơngai Mŭt – Lik bơh mpồng nhàr lơgar Bờ Y lòt gan Tây Nguyên, tiah bơnơm Quảng Ngãi tus dà lềng mờ anih ơhò ơm dà jrô Dung Quất geh gĭt nền là dùl tàm anih pràn gơn kơnờm.

Bơta ƀươn bè dà lềng, dơng bơnơm mờ gùng kềng đah măt tơngai Lik – Mŭt ai tơl bơta nàng càr in sơlơ tàm tơrbŏ tai mờ Chu Lai, Đà Nẵng, Gia Lai mờ ală kơnhoàl ù tiah rềp bal. Mờ lòt nhơl, ù tiah bơtàu tơngguh pa lơh geh tai jơngkah ù tiah tàm tơrbŏ Lý Sơn, Mỹ Khê mờ Măng Đen. Ală cau ala măt kung đơs loh ală bơta gơ kơryan bè kơrnoăt, phan bơna bơ̆t bơtàu, bơta pràn mờ lơh bal ală tiah, ai gĭt ală gùng dà broă rơndăp lơh tă bơsong anih gơkòl nàng càr Quảng Ngãi tam