Ồng Trần Thanh Mẫn, Chủ tịch Quốc hội đơs là, jơnau rơcang cih adat boh lam nàng kờñ bơsong bơta gơ kòl kơrnuat boh lam ndrờm bal mờ Adat Bơcri priă dà lơgar, tam gơl pa lơh jat ală jơnau sồr tam pà kâp, jàu gơnoar pràn tàm tŭ tơngai pa. is ồn là bơsong bơta pơgồp bal kră kơldang. 

Adat Kes priă gam ai lơh jat tŭ do, ƀòn lơgar ờ gŏ di tă dơ̆ ngui bơdìh mờ nhàr ù tiah; Adat Kes priă pa ai gơnoar lơh broă bal ngui kes priă ƀòn lơgar bơcri priă lơh phan bơna ală càr, ală tiah, ngan là bơta gùng lòt, rbàng tŭ do. Adat Kes priă ai lơh jat tŭ do tam pà mùl màl tơl mat rơndap broă lơh dềt; Adat pa tam gơl pà pal jàu wil tơl jat jơnau kờñ, ƀòn lơgar tàm pơnring is. Adat Kes priă ai lơh jat tŭ do gròi sền broă lơh jat sră pơ àr lơh broă; Adat pa sền swì cồng nha bơh cồng nha lơh geh KPI.