Mho òr (07/04), tàm Dơ̆ pơrjum dơ̆ sơnrờp, Củ tịc lơgar yal măt sồr pồ nàng Quôk hội pồ Thủ tướng Cíñ phủ tơngai lơh broă bơh nam 2026- 2031. Tơnơ̆ tŭ cribơyai, pờ tê ring bal măt, Quôk hội bơyai lơh pồ Thủ tướng Cíñ phủ bơh broă lơh đùh sră ndơ̆p.

Cồng nha, ồng Lê Minh Hưng- Kwang bàng Ƀộ Cíñ trị, Ƀí thư Đảng Dà lơgar, Lam bồ Mpồl Rơndăp broă Dà lơgar, Cau ala măt Quôk hội khoă XVI geh Quôk hội pồ ăt gơnoar broă Thủ tướng Cíñ phủ tơngai lơh broă bơh nam 2026- 2031. Jơnau lơh nền tàm pơrjum bè broă pồ ăt gơnoar broă Thủ tướng Cíñ phủ gơ wèt mờ ồng Lê Minh Hưng kung neh geh Quôk hội ring bal mờ 495 tàm 495 nă cau ala măt tus bal pờ tê ring bal (ndrờm mờ 100% cau ala măt geh măt, geh tus 99% kờp jơh khà Cau ala măt Quôk hội).

Thủ tướng Cíñ phủ pa ồng Lê Minh Hưng deh nam 1970; Ƀòn tờm: sàh Tứ Mỹ, càr Hà Tĩnh; Bơsram cribơyai jơnau tàm sră pơ àr cíñ trị: Kâp dờng; Bơsram broă mờng lơh: Thàk sìh Gùng dà broă lơh dà lơgar; Đại họk mìng gah Gùng dà broă lơh dà lơgar, Cử ñân dà Tây.