Jat hơ̆, Tỉñ Đoàn càr Lâm Đồng neh lơh ală anih yal tơngĭt jơnau, jơnau mblàng yal bè dơ̆ tĕ khà tàm internet; pờ ală mìng dùl tơngume, jơnau yal nàng kờñ yal jơnau yal di ngan, di tŭ tus mờ đoàn viên, ơruh pơnu mờ làng bol.

Bal mờ hơ̆, Tỉñ Đoàn càr Lâm Đồng tơnggơs 535 mpồl dong kờl is mờ rlau 6 rơbô 700 nă đoàn viên, ơruh pơnu geh mat tàm jơh ală tiah tàm càr dê nàng tus bal dong kờl broă lơh tĕ khà. Broă lơh bơh rơnàng kơnòm să càr Lâm Đồng dê pơgồp bơnah lơh gơrề uă nùs nhơm geh kơnòl bơh cau tĕ khà dê, mơkung dong kờl ală tiah bơyai lơh ngai tĕ khà làng bol lơh tờm, di mờ jơnau sồr mờ lơngăp lơngai.