Jat broă rơndap lơh, dơ̆ pơrjum rơp sền sơ wì, lơh nền ală broă bè rơndap broă mpồl kwang bàng lơh broă sră pơ àr gơnoar atbồ, broă lơh kwang bàng kâp dờng bơh Dà lơgar dê; ring bal 9 rơndap lơh adat boh lam, jơnau lơh nền tàm pơrjum kơrnuat boh lam, mờ kung cribơyai 5 mpồl tơngume dờng bè lơh sa – mpồl bơtiàn, priă jền, kes priă, jat sền mờ ală broă kuơmàng ndai. Pal sền gròi là Quôk hội rơp lam lơh pồ tơl ală gơnoar broă tờm bè Củ tịc lơgar, Thủ tướng Cíñ phủ, Củ tịc Quôk hội, ală Phó Củ tịc Quôk hội, Phó Thủ tướng, kwang geh jơng Cíñ phủ mờ ală anih lơh broă bơh Quôk hội dê. Kờp dŭ dơ̆ pơrjum geh lơh tàm 11 ngai, tam pà gơs 2 dơ̆, sơn đờm mut lơh drim ngai 06/4 tus do mờ tơn jơh tàm ngai 24/4 tus do.