Rơcang lài bơh ƀòn lơgar, càr Dăk Lăk gàr niam ờdo ờdă ai tơl sră pồ in
Thứ năm, 09:33, 12/03/2026
Cau mblàng: K'Duẩn/ VOV
Cau mblàng: K'Duẩn/ VOV
VOV.K’Ho – Broă lơh gàr niam lơngăp lơngai, ờdo ờdă ai dơ̆ tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031 tàm càr Dăk Lăk gam geh lam lơh ndrờm bal, kràñ cê, nàng tơl sră pồ bơh cau tĕ khà dê geh lơh tàm anih niam ờdo ờdă, làng bol lơh tờm mờ di adat boh lam.
Càr Dăk Lăk geh rlau 2 tơlak 400 rbô nă cau tĕ khà mờ 2 rbô 120 tiah đùh sră. Jat Đại tá ồng Lê Hữu Tuấn – Phó Kwang lam bồ Kwang àng càr Dăk Lăk, tus tŭ do, broă lơh gàr niam lơngăp lơngai, ờdo ờdă ai dơ̆ tĕ khà tàm càr neh geh lam lơh ndrờm bal mờ nền nòn. Mpồl kwang àng pơgồp bal mờ Anih duh broă tĕ khà ală kâp lam lơh tam gơl sồ yal tơnggit jơnau làng bol ơm kis, drơng broă lip mờ lơh sră cau tĕ khà di jơnau sồr. Bal mờ hơ̆, jơh 102 sàh, sơnah ƀòn neh geh kờp sền, tam pà ală tiah đùh sră jat 3 kâp bơta lơngăp lơngai nàng bơt bơtàu broă rơndap lơh sền gàr dipal.
Viết bình luận