Ală cau ala măt tơrgùm yal ală cồng nha kơlôi sơnơng mờ mờng chài tàm ngui rùp vệ tiñ, ală jơnau yal gròi sền nhơm trồ tiah – dà càl, ală sră wăc rùp sồ mờ bồ tơngoh jak kòn bơnus dê lơh tàm jăt sền bơta gơ tam gơl phan kwơ geh is dà dê. Bơh broă mblàng sền ală sơñio khà bè ro kơnrañ, bơta sùh iò ù, khà mìu, khà dà tơnau dơng dà tàm bơnàng jă sồ, ală anih lơh broă broă mờng lơh gơtùi yal lài gờñ pơhìn trồ prang soăt dà, ờ tơl dà jăt tơl tiah dềt, tơl bă ù đah đơm.

Măy mŏk viễn thám mờ ală broă lơh bơsong bơceh lơh, ngui ală jơnau yal nàng mblàngs ền jơnau digơlan rơ̆p geh ală jơnau yal tơngkah lài dipal rơ̆p dong anih lơh broă ătbồ Dà lơgar mờ ƀòn lơgar bơ̆t bơtàu broă lơh jăt sền, yal lài trồ prang soăt dà, ờ tơl dà ai lơh broă sa sươn sre jăt gùng dà rơcăng lài mờ song dơ pă loh làng, pơgồp bơnah tơrmù ƀà rềs àr gơ aniai tài bơh trồ tiah mờ bơtàu tơngguh broă lơh sa sươn sre kơnhăp jŏ. Broă ngui măy mŏk viễn thám pơgồp bal tam gơl sồ tam ngui ală bơtơ̆t dơng dà ngui sa mờ broă lơh sa là gùng dà ờ gơtùi pleh klàs dong tơngguh uă pràn jak ătbồ, tam pà dà, ngui tơnau dơng dà jăt tơngai ngan ngồn, tơngguh cồng nha tuh dà drơng broă lơh sa mờ rơcăng lài rơcăng wơl mờ trồ tiah lơh aniai.