Pơrjum geh bơyai lơh bơh ngai 22 tus ngai 23/12 nàng tơrgùm cribơyai, tă pơgồp jơnau đơs bè 3 tơngume dờng: Mpồl broă bè broă lơh kwang bàng Pơrjum dờng dơ̆ 14 bơh Đảng dê; Mpồl broă bè jơnau rcang cih ală sră nggal yal tàm Pơrjum dờng dơ̆ 14 bơh Đảng; ală broă lơh nàng bơyai lơh Pơrjum dờng cau ala mat gùt lơgar dơ̆ 14 bơh Đảng.

Đơs tàm dar sơn đờm mut pơrjum, Tổng Ƀí thư ồng Tô Lâm đơs sùm, do là Pơrjum Dà lơgar dŭt ndơl bơh tơngai lơh broă Pơrjum dờng dơ̆ 13  dê, sền sơ wì, tă pơgồp jơnau đơs bè ală broă lơh nàng bơyai lơh geh cồng nha Pơrjum dờng cau ala mat gùt lơgar dơ̆ 14 bơh Đảng. Ală cau ala mat kờñ pal tơrgùm bồ tơngoh, geh kơnòl, song dơ pă, di ngan, nùs nhơm song tàm broă rơwah kwang bàng yal tơngĭt ai Pơrjum dờng dơ̆ 14 bơh Đảng in, tàm tă pơgồp jơnau đơs mờ ală tơngume broă lơh pơrjum bơh dơ̆ pơrjum dờng dê.