Đơs sơnđờm mut pơrjum, Tổng Ƀí thư ồng Tô Lâm đơs sùm, tơngume pơrjum kờñ bơsong uă ngan, ơnàng ngan, kal ke ngan, ndrờm là ală broă pal lơh lơm, kờñ lơh mơ, ờ gơtùi lơyài ờ.

Tàm hơ̆, pơrjum rơ̆p cribơyai bè broă lơh lơh broă gùt khoă bơh Mpồl đơng lam Đảng dà lơgar khoă XIV dê: Kơrnoat boh lam lơh broă bơh Mpồl duh broă Đảng dà lơgar, Ƀộ Cíñ trị, Mpồl đơng lam Đảng; Broă lơh lơh jat Ală bơta Đảng dê; Jơnau sồr bè broă lơh lòt sền, jat sền, duh rơngòt kơrnoat boh lam Đảng; Kơrnoat boh lam lơh broă bơh Anih duh broă Sền sơwì Dà lơgar; Jơnau sồr bè lơh broă cíñ trị, bồ tơngoh tàm Đảng; Tơn jơh bàr pe Jơnau lơh nền tàm Pơrjum dờng bơh Dà lơgar dê bè lòt sền, jat sền, bè rcang lài kơryan sa kuề sa kuà, pơhì pơhà mờ bơta ờ niam; Sền sơwì broă lơh kwang đơng lam ală anih lơh broă Dà lơgar tơngai lơh broă bơh nam 2026-2031; Tă pơgồp jơnau đơs bè broă rơndăp lơh bơtàu tơnguh lơh sa- mpồl bơtiàn 5 nam bơh nam 2026–2031, broă rơndăp lơh priă jền dà lơgar, broă rơndăp lơh bơcri priă dà lơgar tơngai dimơ bơh nam 2026–2031 mờ bàr pe broă dờng màng ndai. Kờp dŭ pơrjum lơh broă tus ngai 27/3/2026.