Ồng Ngô Hiểu Khoa, Kwang lam bồ Mpồl đơng lam Tập đoàn Kwèl kơh Cả pà gĭt, gùng brong Phượng Hoàng jòng 1 kơi sồ 7, là dùl broă lơh tàm bơnah broă geh bơta jòng kờp jơh 11 kơi sồ bơh mpồl dờp lơh. Tŭ do, pah ngai tập đoàn ai mờr 400 nă cau lơh broă mờ pơgăp 100 nơm rơndeh rơndồ bal mờ măy mŏk, dồ ròt lam lơh bơ̆t bơtàu gùng brong Phượng Hoàng bal mờ 10 nơm rbàng. Dilah broă ai ù lơh gùng đah càr Khánh Hoà geh bơsong niam, den digơlan gơtùi ai rơndeh rơndồ in lòt rê gan gùng brong do tàm lồi nam 2025 là gơtùi jơh lơm.

Gùng rơndeh lòt mhar Khánh Hoà- Buôn Ma Thuột geh bơta jòng kờp jơh rlau 117 kơi sồ, ơnàng 4 bơnàng rơndeh lòt, tơngai bơcri priă lơh tơngai dơ̆ I bơh nam 2021- 2025. Kờp jơh priă bơcri lơh broă bơ̆t bơtàu do mờr 22 rbô tơmàn đong. Tŭ do, jơh bal cau tờm bơcri priă mờ ală mpồl lơh broă ndrờm gam tơrgùm jơh bơta pràn lam lơh rơndăp broă lơh, jơnau kờñ tus lồi nam 2026 gùt gơl gùng rơ̆p ai rơndeh in lòt rê mờ ai ngui.