Jờng rơ uă ngan broă tam gơl adat dơ̆ do dê, ồng Trần Thanh Mẫn- Chủ tịch Quốc hội đơs sùm broă tờm ngan tŭ do dê là tam gơl pa broă lơh atbồ niam sàng goh phan sa bơh tam pà uă anih lơh broă tus tơrgùm bal dùl anih tờm. Chủ tịch Quốc hội sồr pal sền gĭt loh anih tờm kong kơnòl dŭt ndơl. Ồng kung sồr sền gĭt loh mpồl lơi Dà lơgar sền sơwì lài, mpồl lơi mpồl lơh sa kă bro kong kơnòl is, mpồl lơi lơh dơ̆ sền sơwi tơnơ̆.

Chủ tịch Quốc hội đơs là, kờñ pal cih loh làng broă jàu tàm săc bơta pơhìn gơlik geh tàm Adat tơn halà jàu Chính phủ in ai lơh jat gơ geh bal sră cih mat nàng pleh bơta khat dồ lơh. Chủ tịch Quốc hội đơs sùm, Adat Niam sàng goh phan sa (tam gơl) tŭ ai lơh jat pal hơ geh 3 jơnau lùp. Dùl là, phan ngui sa tus mờ tê làng bol geh niam sàng goh halà ờ? Bàr là, mpồl lơh sa kă bro lơh jat niam geh ết sră pơ àr rlau halà ờ? Pe là, tŭ gơlik geh bơta aniai geh jòi gĭt tiah tờm lơh gơlik, sền gĭt geh kơnòl mờ lơh glài tơl mhar halà ờ? Ồng kung sồr ală anih lơh broă sền sơwì nền nòn nàng lơh sir, ai tơmŭt cribơyai tàm pơrjum cau ala mat Quốc hội mìng lơh dùl kơnòl broă mờ wèt tus yal ring bal tàm Pơrjum dơ̆ 3 bơh Quốc hội dê.