Drim òr (07/04), Anih duh broă Làng bol kơ̆p kờñ mờ Jăt sền Quốk hội bơyai lơh dar pơrjum dơ̆ sơnrờp. Đơs tàm pơrjum, Phó Củ tịc Quốk hội ồng Nguyễn Doãn Anh chờ gờm Anih duh broă Làng bol kơ̆p kờñ mờ Jăt sền Quốk hội khoă XVI geh pồ tơl mờ 35 nă kwang bàng, mờ đơs niam broă jal mhar bơ̆t bơtàu broă lơh nàng lơh jăt kơnòl tờm nam 2026.

Đơs nền tus mờ jơnau kờñ tam gơl pa, tơnguh uă cồng nha jăt sền, Phó Củ tịc Quốk hội ồng Nguyễn Doãn Anh đơs là, broă lơh do rơ̆p kong uă mờ bơta lòng, den tàng pal tam gơl pa gùng dà broă lơh, tơngu me nàng di pal mờ mùl màl. Broă lơh jăt sền pal di mờ Jơnau lơh nền bơh Pơrjum dờng dơ̆ XIV Đảng dê, ală jơnau lơh nền, broă lơh kwơ màng bơh Dà lơgar bal mờ Ƀộ Cíñ trị dê, kung bè gùng dà broă lơh tàm jơnau đơng lam bơh Tổng Ƀí thư dê tàm pơrjum sơnrờp bơh Quốk hội khoă XVI dê. nam 2026, Anih duh broă do rơ̆p dan bơ̆t bơtàu ală rơndăp broă lơh kwơ màng nàng tơnguh uă cồng nha jăt sền.