Tàm nùs nhơm đềt mềr bơta tam klac lơh bơyô kuơmàng Việt Nam – Lào, mpồl lơh broă jàu mờr 400 bơnah phan ai ală hìu bơnhă làng bol gơwèt 6 ƀòn tàm kơnhoàl Đăk Chưng. 

Ală bơnah phan pà bulah ờ uă bè phan bơna mơya gơ cèng bềng lìu bơta jơh nùs, bơta tam pà bal mờ kơnòl bơh kwang bàng, cau ling tàm mpồl phàu crong ƀòn dờng Đà Nẵng dê gơ wèt mờ làng bol tiah nhàr lơgar lơgar Lào di dơ̆ wă rò nam pa Bunpimay. Ală cau lơh sơnơm tàm mpồl kham kòp, pơlam sền gàr pràn kơldang mờ pà sơnơm ờ sa priă ai rlau 450 dơ̆ làng bol in. Broă lơh do ờ mìng geh kuơ niam chài kòn bơnus niam ngan mờ gam pơgồp bơnah sơlơ tơnguh tai bơta git gơp tam klac bal kuơmàng, jơh nùs đềt mềr đah làng bol 2 lơgar Việt Nam – Lào đơs bal, đah ƀòn dờng Đà Nẵng mờ càr Sekong đơs is.